SV og Rødt – politiske tvillingar?

FOTO: Brage Aronsen

Etter valet går debatten også om organiseringa til venstre for Ap. Eit av poenga er at partia i opposisjon oppnådde fleirtal i folket, men tapte valet til høgrepartia fordi MDG og Rødt kom under sperregrensa. I tillegg er det eit poeng for Magnus Marsdal i Klassekampen og Morgenbladet at SV og Rødt med Lysbakken og Moxnes i front var ”politiske tvillingar” i valkampen. Han tar derfor til orde for slå i hop SV og Rødt.

Brigt Kristensen
Om Brigt Kristensen (2 artikler)
Brigt Kristensen er mangeårig medlem av bystyret i Bodø for RV og Rødt.

Og rett skal vere rett: Lysbakken stilte med nyoppussa profil og retorikk, og 8 år i regjering på passe avstand, mens Moxnes hadde ein meir konkret politikk og taktikk enn før. Når begge i tillegg er moderne menn i 30-åra blir det vanskelig å få auge på skilnaden.

Men i fleire tiår har sjeldan programsakene danna eit viktig skilje mellom RV/Rødt og SV. Likevel har partia i den politiske praksisen ofte skilt lag, både lokalt og i rikspolitikken. Det kjem av forskjellig analyse av makta og ulik politisk strategi.

Me skal ikkje sluke kamelar til morgon og kveld
Det var Rødt-leiar Moxness og ikkje SV-leiar Lysbakken som uttalte dette til Klassekampen 16. august: ”-Me skal ikkje gå i SV-fella og sluke kamelar til morgon og kveld. Der er Støre og eg einige”.

I Nordland stilte to damer i front for dei to partia. I NRK-debatten for Nordland i Stormen i Bodø 6. september, fikk SV-kandidaten Mona Fagerås dette spørsmålet frå salen: ”- Kan SV garantere at ei ny rødgrønn regjering ikke vil støtte norsk krigsdeltakelse i USA-ledede kriger”? Ifølge opptak svarte Fagerås: – ”Det er jo vårt primærstandpunkt, og vi meiner jo at utenlandsoperasjoner skal ledes av FN, og ikke av NATO. Så er det selvfølgelig sånn at hvis man går inn i ei regjering, må man være med på forskjellige rare ting. […]

Litt snubling i ein hektisk debatt, eller eit teikn på kor grunt SVs sjøloppgjør har vore? Resten av svaret til den nyvalte stortingsrepresentanten tyder på det siste. Her var poenget med FN-mandat å gi krigane større legitimitet i verdssamfunnet!

LES OGSÅ: Rødt eller SV – to strategiar

Det som trengs er eit maktkritisk fredsparti til venstre for AP
Rødts førstekandidat, Synne H. Bjørbæk nytta dei høva ho fikk i valkampen, i debatt, innlegg og med eigen video til å agitere mot Norge som krigsnasjon.

Så lenge SV er eit medmaktsparti og eit medkrigsparti, vil SV og Rødt måtte hamne på ulik side i viktige spørsmål. Det som trengs er eit maktkritisk fredsparti til venstre for Ap, som med gjennomarbeidd konkret politikk vil bygge motmakt mot kapitalkrefter og imperialisme. Å slå i hop SV og Rødt vil i dagens situasjon vere dødfødd.

Tettare samarbeid om saker og politisk linjediskusjon i felles fora, gjerne opne også for partilause på venstresida, trengs det derimot meir av.

Dette er en lengre versjon av et innlegg trykket i Klassekampen 18.9.2017

 

Liker du det du leser?

VIPPS noen kroner til 137267
eller betal direkte til konto 1254.05.88617
Støtt oss med fast bidrag hver måned

Diskusjon

DEBATTREGLER:

  • - Respekter dine meddebattanter og utøv normal folkeskikk
  • - Vær saklig og hold deg til tema
  • - Ta ballen – ikke spilleren!

Vi fjerner innlegg som er diskriminerende, hetsende og usaklige, spam og identiske kommentarer.