Bursdagfest for overklassen i hovudstaden

Foto: GAD

I Oslo, som i resten av Norge, finst det to slags folk og to slags liv. Overklassen lever sine beskytta liv.

Erling Folkvord
Om Erling Folkvord (7 artikler)
Erling Folkvord er politiker i partiet Rødt. Han har tidligere sittet i bystyret for Rød Valgallianse (RV) og Rødt i Oslo og sittet en periode på Stortinget for RV. Hans spesialfelt som politiker har vært avsløring av korrupsjon og maktmisbruk.

Tre veker før kommunevalet skal Oslo-ordførar Fabian Stang (H) og varaordførar Libe Rieber-Mohn (A) feire bursdag. Gode vener i rådhus-eliten inviterer 300 menneske til ein liten fest ein fredag midt i arbeidstida. Venene har bestemt at dei som betaler skatt i Oslo, tar rekninga på 300 000 kroner.

Toppolitikarar i hovudstaden – frå Øystein Sundelin i Høgre til Marianne Borgen i SV – røysta for denne tverrpolitiske avkoplinga rett før valkampinnspurten. Rina Mariann Hansen som er nestleiar i Ap si bystyregruppe sa det slik til Dagbladet: «Vi er opptatt av å legge oss på det som er vanlig i Oslo kommune. (…) Og at det blir en fin feiring for ordfører og varaordfører.»

LES OGSÅ: AP-Bøhler foreslår assimilering av innvandrere

Gruppeleiar Sundelin i Høgre, som har vori både praktikant og seinare kommunikasjonsrådgivar for stortingsgruppa, har eit riksdekkande perspektiv. Han informerer Dagbladet sine lesarar om at slike arrangement «er viktige for byen, og de koster noe.» Og han ser at denne vesle summen kunne ha vorti brukt til noko anna: «Det er alltid slik at man kan vurdere om penger kan brukes bedre eller annerledes, men i dette tilfellet mener jeg det er viktig og riktig å markere disse bursdagene, og det tror jeg samtlige norske kommunestyrer ville vært enige i.»

Gjestelista er ikkje offentleg enno, men det er vel ikkje unaturleg å invitere Rune Bjerke. I yngre år var han partisekretær i Oslo Arbeidarparti og er gift med varaordføraren. Han har solid grunnlag for å vite kva som er vanleg i Oslo. Spørsmålet blir vel om han kan ta seg fri frå arbeidet som administrerande direktør i DNB Bank ASA.

I Oslo, som i resten av Norge, finst det to slags folk og to slags liv. Overklassen lever sine beskytta liv. Blant vanlege folk er det vanleg å betale bursdagen sin sjølv, om ikkje gode vener ordnar eit spleiselag.

Liker du det du leser?

VIPPS noen kroner til 137267
eller betal direkte til konto 1254.05.88617
Støtt oss med fast bidrag hver måned

Diskusjon

DEBATTREGLER:

  • - Respekter dine meddebattanter og utøv normal folkeskikk
  • - Vær saklig og hold deg til tema
  • - Ta ballen – ikke spilleren!

Vi fjerner innlegg som er diskriminerende, hetsende og usaklige, spam og identiske kommentarer.